Ленче Здравкин која својата куќа во Велес прва ја отвори за бегалците како прифатилиште, сега секојдневно доаѓа и помага во Гевгелија.
Таа апелира дека е потребно повеќе храна и средства за хигиена во прифатилиштето во близина на Гевгелија и повика луѓето кои чувствуваат потреба да помогнат да дојдат и да донесат во согласност со своите можности.
– Секојдневно доаѓам во Гевгелија со поголема количина на храна и средства за хигиена, се што е најпотребно за бегалците. Им помагаме, се организираме, тука се невладините организации, Црвениот крст, полицијата и војската, сите сме во едно. Луѓето се згрижуваат спроед капацитетите кои се тука, но се трудиме се да дадеме од медицинска нега , од храна, од облека, од секакви информации. Во кампот кај бегалците, средства за хиегиена и храна се потребни во поголеми количини, така што сите можат да ји се приклучат, да дојдат и да донесат, рече Здравкин.
Велешанката за својот ангажман минатиот месец доби и признание од УНХЦР, а неуморно им помага на бегалците повеќе од една година.
