ВИДЕО: Збогум Зврлевски – Посмртен венец за Обвинителство

Од:

Заради неразрешените дури 6 напади врз ЛГБТИ центарот при Хелсиншкиот комитет, активистите денеска прогласија мораториум на Основното јавно обвинителство, прекинување на секаква соработка и поставија посмртен венец за работењето на јавниот обвинител Марко Зврлевски, за да го искажат револтот поради неразрешените случаи на брутални напади кои се случија во изминатите 3 години.

– Од тие напади, 5 случаи воопшто не се разрешени, а еден е се уште во судска процедура. Сторителите кои се снимени на безбедносните видео камери, не се изведени пред лицето на правдата, а знаеме дека и на оваа институција и останатите им се познати бандите што го напаѓаат ЛГБТ центарот, рече Билјана Гинова, активист.

Центарот за поддршка за помалку од 3 години беше каменуван, опожаруван, на него беа испишувани кукасти крстови и напишан зборот „Тремити“ кој всушност е осторвот каде во времето на фашистичка Италија се носеле хомосексуалците.

Во овој центар досега се повредени десетици активисти и поддржувачи.

– Заради неразрешувањето на овие случаи, илјадници граѓани на оваа држава се уште живеат во страв, затоа што се уште можат во кое било време да бидат нападнати и тој случај да не биде разрешен, затоа што ниеден претходен случај не е разрешен. Дури и вчера на лезбејкскиот пикник добивме многу закани, имаше повикување на насилство врз нас и настанот, за жал, заврши порано од планираното заради страв да не се случи насилство. Тоа мора да запре. Ние протестиравме, поднесовме кривични пријави, прашувавме до каде е истрагата и единствениот одговор беше дека е кратко времето. Но, тоа не е точно. Поминаа точно 2 години и 9 месеци од првиот и 9 месеци од последниот напад и тоа е сосема доволно да се најдат сторителите, кои впрочем се снимени на видео камера. Затоа, Ние Јавното основно обвинителство не го признаваме за легитимно, од денеска, за нас, тоа е политички мртво и прогласуваме мораториум, рече Гинова.

Активистите поставија венец покрај влезот на Обвинителство и покрај него натпис „Збогум Зврлевски“.

А.Б.

Би можело да ве интересира

ОЈО бара притвор за извршителка од Кичево, осомничена е за три кривични дела

Горан Наумовски

Лани поднесени обвиненија за половина од примените пријави за злоупотреба на лични податоци

Александар Тодески

Обвинителството бара притвор за двајца дилери од Скопје и Велес

За несреќата надлежно е бугарското обвинителство, овој предмет е за фалсификување на исправата, вели обвинителот во предметот „Беса Транс“

Кривичен го препрати предметот против Мерко во струшкиот суд: Не биле надлежни тие, туку судот во чие подрачје се извршило делото

ОЈО со детали за операцијата „Чибук“: Истрага против најмалку десет лица

А1он