Заврши реконструкцијата на улиците „Димитар Влахов“ и „Гоце Делчев“ во Штип, кои се дел од регионалниот пат Р 12 04, кој го поврзува Штип со Радовиш и со Велес, а нивната должина изнесува 2400 метри.
„Оваа инвестиција изнесува некаде околу 13.000.000 денари, а овој проект беше дел од програмата на ЈП за државни патишта и предлог програмата на ЈП „Македонија пат“, изјави директорот на ЈП за државни патишта, Љупчо Гергиевски.
Во реализацијата на овој проект беа вклучени екипи на ЈП „Македонија пат“ и ЈП за државни патишта, кои ја завршија реконструкцијата за неполни три седмици.
Со стартот на реконструкцијата на овој патен правец беше најавено дека со истиот проект ќе биде опфатена и реконструкцијата на раскрсницата кај градската црква „Св.Никола “ во Штип, а средствата ќе бидат обезбедени од страна на Општина Штип.
„Останаа да се санираат само шахтите, на што ЈП „Стипион 2011“ веќе работи и со нивното санирање оваа делница ќе биде во целост безбедна за непречено одвивање на сообраќајот“, изјави Захариев.
Според ваквата изјавата на Захариев, по сè изгледа граѓаните на Штип, сепак, ќе треба да почекаат на реконструкцијата на раскрсницата.
