Претседателот на СДСМ, Зоран Заев денеска имаше гостување во Хрватската Радио Телевизија каде што кажа дека е убеден дека ситуацијата во Македонија нема да ескалира.
„Уверен сум дека нема да има крвопролевање. Ако требаше да дојде до тоа ќе се случеше многу порано. Со многу трпение, со многу посветеност, внимателно, преку преговори дојдовме до тука. Среќен сум и горд поради тоа што ние симнавме режим со пенкало и со глас“ вели Заев.
„Во овој момент мојот политички опонент алудира на поделба, на федерализиција. Нашиот концепт е Македонија за сите, а нивниот е Македонија на Македонците“ рече Заев и порача дека не смее да се подлегне на провокациите што имаат за цел застранување од демократските процеси.