Течат разговорите со сите политички партии, се надевам дека ќе ги заокружиме важните принципи што е интерес на граѓаните на Македонија. Драго ми е што во тој дел позитивно се движат работите. Верувам дека денес или утре ќе разговараме за ресорите, имињата за да можеме да ги информираме граѓаните, вели мандатарот и лидер на СДСМ, Зоран Заев.
– Задоволен сум како течат работите, драго ми е што господинот Села веќе е по добар, да можеме да влеземе во разговор со Алијансата на Албанците. Правиме напори, важен е квалитетот, важен е интересот на граѓаните договорот да биде суштествен за да може да го испорачаме до Собранието на РМ, вели Заев.