Лидерот на СДСМ, Зоран Заев пред партиското седиште рече дека од денеска ги почнува средбите со коалиционите партии и политичките партии на албанците. Според него, нова Влада ќе има час поскоро бидејќи процесите за промена мора да се случат веднаш.
– Среќен сум што се погоди две години од 17 мај, денот кога бликаше граѓанскиот аспект на единство, на сплотеност, на едно општество за сите. Драго ми е што токму на овој ден го добивме мандатот, шанса да се обидеме да формираме влада. Јас сум поприлично убеден дека ќе формираме влада во многу брз период и ќе излеземе пред парламентот со целото образлагање за програмата на новата Влада и новиот владин кабинет. Чувствата се многу среќа и одговорност. Граѓаните очекуваат резултати. Се надевам дека ќе носиме мудри одлуки, да работиме умно со интересите за сите наши граѓани, рече Заев.
Пред седиштето на СДСМ, Заев беше пречекан со овации, по што тој веднаш замина на состаноци со партиите. Освен лидерот на СДСМ, со овации беа пречекани и останатите пратеници на СДСМ.
Александар Тодески