Премиерот Зоран Заев по завршните зборови во предметот „Поткуп“, рече дека каква и да е одлуката на судот во понеделник, ќе ја почитува.
„Ова е срам за Јавното обвинителство во тоа време што се случувало“, рече Заев за органот на прогон кој го гони за ветување за примање поткуп.
Тој на прашање на „Макфакс“ потврди дека поднеле кривична пријава против обвинителот Владимир Милошевски, за кого во постапката бараа изземање.
Тој рече дека му е драго што јавноста будно го следела процесот.
„Очекувам правда“, рече премиерот по рочиштето.
Заев рече дека се потврдило дека со преквалификацијата на обвинението, отпаднале и посебните истражни мерки, со кои тој, бил следен од полцијата. Изрекувањето на пресудата е закажано за в понеделник 21 мај напладне.
Васко Маглешов