Службите за борба против организиран криминал при Бирото за јавна безбедност (БЈБ) уапсиле актуелен директор на државна институција под сомнение за примање мито во износ од 50.000 евра.
Според информациите, лицето било фатено при барање и примање на поткуп, а акцијата била спроведена во координација со надлежните институции. Засега не е познато дали осомничениот делувал сам или станува збор за поширока мрежа, што ќе биде предмет на натамошната истрага.
Неофицијално, станува збор за директорот на Државен инспекторат за земјоделие, Васе Анакиев, но од институциите сè уште нема официјална потврда за неговиот идентитет. Надлежните најавуваат повеќе детали во текот на денот, по целосно документирање на случајот.