Полициски службеници од Одделот за сузбивање на организиран и сериозен криминал при Министерството за внатрешни работи лишиле од слобода раководител вработен во Дирекцијата за заштита и спасување (ДЗС), поради сомнение дека сторил кривично дело „примање поткуп“.
Според првичните информации, осомничениот барал мито за издавање позитивно мислење кое било потребно за изградба на објект. Акцијата била спроведена во координација со Основното јавно обвинителство Скопје.
Од МВР потврдија дека лицето е лишено од слобода, а најавија дека по целосно документирање на случајот ќе биде поднесена соодветна кривична пријава.
Засега не се соопштуваат дополнителни детали за случајот, ниту околностите под кои било побарано наводното мито.
По завршувањето на полициските и обвинителските активности се очекува официјално соопштение од надлежните институции, со повеќе информации за случајот и постапката против осомничениот.
