Речните корита и водотеците се стабилизираат, а жителите се молат да не заврнат нови дождови, вака е денеска во поплавените населени места во струмичкиот регион. Во најзагрозените села водата почна да се повлекува, но се уште во големи количини ја има по дворовите, куќите и стопанските објекти.
Веќе имаме сместено две семејства во апартманите на црквата „Св. 15 тивериополски свештеномаченици“, почнавме со дистрибуција на ќебиња, облеки и други работи во Чифлик маалото во Муртино и се дистрибуираат прехранбени артикли за многу семејства. Тоа го правиме за тоа што се уште има луѓе кои неможат да излезат и да се движат надвор за да можат да се снабдат со тоа шти им е потребно. Првата тура е завршена и сега таму има храна и ќе продолжиме се додека им е тоа потребно. Механизацијата целосно е распоредена по сите населени места каде правиме прокопи за одводнување кон каналите. Јас морам да се заблагодарам на целата соработка што во овие тешки услови граѓаните ја даваат. Овие наши населени места се одличен пример за солидарност, меѓусебно помагање и меѓусебни интервенции работејќи заедно со општинските и државните служби на територијата на општина Струмица во вакви тешки моменти.