Претседателот на СДСМ, Зоран Заев, се вклучи во дискусијата на тема „Граѓанското општество и мултикултурните дилеми – се случува ли нешто ново во Македонија?“ којашто денеска се одржа во Кампот на слободата.
Треба да исправиме неправди кои се случуваа години наназад. Се сеќавате Груевски кога викаше ми треба поддршка за 62 пратеници за да не зависам од Албанците? Тоа беше кулминација, која предизвика дополнителен поттик, остана во потсвеста на сите нас и денеска ни помогна на сите кои учествуваме во “Граѓаните за Македонија“.
Бомбите не ја открија само корупмпираноста на власта, колку е таа националистичка, колку тоа Груевски стануваше се повеќе Александар Македонски, а Али Ахмети стануваше Скендер Бег, туку истовремено бомбите не отрезнаа сите и ни го поттикуваат тоа чувство кое нема да го испуштиме-тоа е дека живееме во мултиетничка земја кое може да е голема предност за сите нас, рече Заев.
Ни помогнаа и Никола Груевски и Али Ахмети, во нивната националистичка забеганост, не отрезни сите, сега да бидеме заедно. Бомбите помогнаа, но најголемата помош доаѓа од ова наше заедничко опстојување, рече Заев.