По исклучително добрата вест за неусловена препорака за старт на претпристапните преговори, посетата на Туск е охрабрување, но и одговорност, изјави премиерот Зоран Заев по средбата со претседателот на Европскиот совет, Доналд Туск.
– Со признавањето на напредокот на земјата доаѓа и одговорнoста да продoлжиме со исто темпо. Нема време за опуштање, реформите ќе станат поконкретни, повидливи и поефикасни. Врз основа на извештајот на ЕК и во соработка со неа го подготвуваме планот 18. Ја убедивме комисијата дека заслужуваме препорака, сега и државите членки сакаме да ги убедиме. Ќе понудиме аргументи дека заслужуваме почеток на преговори и дека можеме да фатиме чекор со државите кои преговараат. Никогаш не сме биле поблиску до датум за почеток преговори за членство во ЕУ, рече Заев.