Врнежите од дожд не го попречија градоначалникот и кандидат за трет мандат, Зоран Заев и денеска на чист понеделник да се дружи со своите сограѓани. Како почитувач на традицијата, а во рамките на карневалските празнувања, на плоштадот „Гоце Делчев“ со своите сограѓани јадеше бел посен грав на првиот ден од големите велигденски пости.
На сите наши православни верници им го честитам празникот и почетокот на големите велигденски пости. Еве и денеска традиционално во присуство на претставниците на МПЦ и со помош на еден од нашите угостителски објекти ресторанот „Лајк“, овде на градскиот плоштадот традиционално делиме бело гравче. И покрај дождот граѓаните се овде да ја испочитуваат вековната традиција поврзана со големиот наш празник, Христовото воскресение, рече Зоран Заев.