Лидерот на СДСМ, Зоран Заев во вечершното интервју на ТВ Телма посочи дека двата процеси „Кампања“ и „Ровер“ за Љубе Бошкоски се политички монтирани и дека поседува докази за тоа.
– Знаат сите како се носат судски пресуди. Слушнавте за Љубе Бошкоски. И таму имаше снимки за заштитениот сведок кои ние не ги објавивме, не смееме заштитениот сведок, но тоа секако ќе оди и ќе се користи во една судска разрешница, рече Заев.
Според него, договаран е процесот „Ровер“ во кој Бошкоски доби 12, а потоа 10 години затвор, повторно со помош на заштитен сведок.
– Имаме како уште тогаш се договарал „Ровер“, и тој е цел измонтиран процес, малку било да го намести за да му се освети лично, ама нека има нешто второ за да го држи долги децении во затвор. Кој болен ум е тоа? Еден куп луѓе се на ветрометина на врхушката на власта. Поединци се во прашање, не е целото ВМРО. Нека ги слушнат снимките, без разлика кој снимал, нема дилеми што процесот ќе покаже. Ќе падне Груевски, ако не даде оставка, тој ќе замине од политичката сцена вака или онака, рече Заев во интервјуот на ТВ Телма.
Бошкоски во двата процеси е осуден со помош на заштитен сведок, а и тој во неколку наврати кажа дека сите кои учествуваа во неговото местење и во пресудата, ќе одговараат еден ден во транспарентна судска постапка.