Премиерот Зоран Заев одговарајќи на новинарско прашање рече дека тој не ја назначил шефицата на Обвинителството за гонење организиран криминал и корупција, на чело на новото Обвинителство, туку дека таа била моментално на таа позиција.
„И мене не ми се допаѓаше Вилма Русковска пред 5, 7, 9 години…“, рече Заев.
Премиерот рече дека во новиот предлог-закон не е запознат дека наместо истраги се користи зборот постапки, за кои би требало да одлучува судот. Заев кажа дека е сигурно оти зад предлог-законот нема ништо скриено.
Премиерот рече: „Првпат слушам за таква работа. Веројатно министерката за правда ќе ви каже што е. Нема таква намера да биде затскриена со игра на зборови“.
Тој повтори дека прифатиле најголем дел од предлоизите на ВМРО-ДПМНЕ за Законот за јавното обвинителство.