ВИДЕО: Забрана за градење на охридското крајбрежје, рушење и намалување на катноста, за Охрид да остане во УНЕСКО

Од:

Планот за управување со природното и културно наследство во Охридскиот Регион предвидува забрана за градба на крајбрежјето, рушење објекти што прават крајбрежна трансформација, но намалување на катноста на објектите, кои во идинина ќе се градат во Охрид, Струга и во Дебарца. При изработката на планот нотирано е дека намален е квалитетот на водите поради реката Сатеска и таа е најцрната точка за Охридскиот Регион. Според нив, градот има прекумерна трансформација и поради невнимание на општините, односно користеле бекатон-плочи на плоштадот, несоодветни сообраќајни решенија, поставување клима-уреди, билборди, големи објекти и поради користење несоодветни материјали.

Ана Петровска од Министерството за животна средина, која работела на изработка на планот, вели дека со зоните што ги направиле, ќе се воведе ред во Охрид и Струга. Засега не е утврдено кои од изградените објекти ќе останат во строго забранетата заштитна зона. За нив ќе пресуди студијата за оцена на културното наследство и животната средина.

„Се вопоставуваат заштитни зони и во градовите Охрид, Струга и во населбите, особено во крајбрежните делови, кои се многу важни да се стави под контрола урбанизацијата на начин што со зонирањето се обезбедува заштита на строгите споменички целини, односно јадрата во двата града. Имаме и контактни зони, односно втора и трета зона во рамките на градовите каде што се ограничуваат процентот на изграденост и катноста на објектите со цел да се сменат промената на пејзажот и амбиенталните вредности. Крајбрежјето ќе се решава со еден интегрален урбанистички план од значење за државата, каде што овие режими дефинирани со планот ќе се имплементираат“, рече Петровска.

Според министерот Едмонд Адеми, некои од спроведените препораки за зачувување на УНЕСКО-статусот не се видливи и поради тоа во јавноста може да се створи погрешна перцепција. Тој смета дека клучниот проблем била комуникацијата меѓу државните институции и УНЕСКО и тоа е надминато. Запрашан за проблемот со дивоградбите, Адеми рече дека тоа прашање ќе се решава тековно потенцирајќи дека тие објекти не се единствениот проблем на Охрид, туку дека има и други забелешки, кои мора да се решат.

„Од јули до денес можам да ги потенцирам следните значителни исчекори: привремен прекин на сите градежни работи и легализација на територијата на Охридскиот Регион, се финализира планот за управување со културното и природното наследство, се финализира регистарот на дивоградбите во Охридскиот Регион, односно за Охрид и Дебрца е завршен, а очекуваме до крајот на месецот да ги добиеме информациите од Општина Струга. Се решава проблемот со колекторскиот систем. Со ребалансот на буџетот Владата одвои 50 милиони денари за ЈП ‘Колекторски систем’“, вели Адеми.

Би можело да ве интересира

Откажани концертите во Охрид викендов, општината не го дава стадионот

А1он

Четири лица тешко повредени во сообраќајка пред Охрид, уште еден повреден од превртен камион

Кристијан Ландов

Десетмина охридски угостители добија казни од по 7.000 евра за бесправно изградени тераси и шанкови

А1он

Охридски еко-активисти бараат итно да се постават столпчиња на новите велосипедски патеки во градот

А1он

Пограничен инцидент во Охридско Езеро со глисер со албански ознаки

А1он

ВИДЕO: Журки во Градиште-колабира целиот систем за заштита од вирусот

Ана Ололовска