Над двесте мигранти еден час пред пладне беа пуштени на македонска територија за да се качат на возот кој оди кон Табановце. Во редици, чекаа да ги добијат потребните документи, а потоа се качуваа на возот на пат кон ЕУ. Претходно во 5 часот изутрина уште една група мигранти заминаа од Македонија од железничката станица во Гевгелија.
Се најавува дека во текот на денешниот ден ќе има вонредни линии за да се излезе во пресрет на мигрантите кои сакаат само трансфер низ македонска и српска територија, а крајната дестинација се Германија и земји од Европска унија. Во текот на вчерашниот ден од Гевгелија кон Србија заминале пет возови.
Состојбата на македонско-грчката граница каде се наоѓаат околу илјада мигранти е мирна и се чека како што овозможуваат условите се пропушта одреден број мигранти.