(ВИДЕО) ВМРО-ДПМНЕ: Зад Заев многу ветени, а нереализирани проекти

Од:

Зоран Заев во двата минати мандати како градоначалник на Струмица, има голем број ветени, а неостварени проекти, оцени денеска на прес-конференција Борче Стамов, градоначалник на Дојран од ВМРО-ДПМНЕ.

Според Стамов, зад Заев  има многу празни зборови, китење со туѓи заслуги и постојано повторување исти проекти од мандат во мандат кои потоа никогаш не ги реализирал.

Набројувајќи ги ветените, а нереализрани проекти Стамов рече дека струмичкиот градоначалник пред граѓаните ветил СПА Центар Банско уште во 2005 година, за потоа и на следните избори пак го повторил тоа ветување во својата програма.Веќе два изборни циклуси Зоран Заев пред граѓаните, како што наведе Стамов,  ветува изградба на прочистителна станица во Струмица и довршување на ободниот канал.

– Досега ниту прочистителна станица направи, а уште помалку ободен канал. За ободниот канал уште во 2005 година кажа дека ги има обезбедено средствата од Владата на СДСМ, а благодарение на неговата неажурност и сомнителните бизниси, граѓаните на Струмица секоја година редовно се справуваат со штети од поплавите, посочи Стамов.

Тој додаде дека Заев не ги реализирал ниту ветувањата за  изградба на два нови булевари, старечки дом, урбано уредување на турската маала, воведување организиран јавен градски превоз, формирање бескаматен кредитен фонд за мали фирми со можност за плаќање на заемите на повеќе години, 4 јавни тоалети, изградба на цветен пазар, отварање 12 јавни паркиралишта, изградба на училишна спортска сала во ОУ Никола Вапцаров…

–  Ова се премногу лажни ветувања за еден градоначалник на Струмица кој што ги дал пред своите граѓани во изминатите два мандати. Зад овие лажни ветувања стои човек кој сега има доблест да бара поддршка од сите граѓани на Република Македонија. Ако дал толку многу ветувања кои не ги исполнил пред граѓаните на Струмица, лесно може да се дојде до заклучок колку празни ветувања ќе дава насекаде низ Македонија, рече Стамов.

Би можело да ве интересира

Манасиевски: Филипче и СДС од ништо се обидуваат да направат скандал со Алта банка

Бројките се немилосрдни и ги демантираат СДС, ДЗС вчера објави дека реалната нето-плата во септември пораснала за над 5%

ВМРО-ДПМНЕ: Филипче и СДС продолжуваат со лагите и манипулациите за Алта банка, овој пат јавната аукција сакаат да ја претстават како тајна зделка

ВМРО-ДПМНЕ: Филипче и СДС молчеа во 2023 година за Алта банка, глумеа итност, но по 10 дена ја свикаа првата надзорна седница

ВМРО-ДПМНЕ: Филипче и СДС бегаат од надзорна расправа за Алта банка и продолжуваат да лажат дека банката имала забрана за работа во ЕУ

(ВИДЕО) Манасиевски: Филипче и СДС и натаму лажат дека Алта банка имала забрана за работа во ЕУ

А1он