ВМРО-ДПМНЕ со идентични приговори за сите 66 избирачки места во општина Центар се обидува да ја оспори победата на Андреј Жерновски. На сите места приговараат дека е нарушена тајноста на гласањето со тоа што биле евидентирани лица и прашувани од каде се и каде живеат.
Нормално виновници се и дел од медиумите кои ги сликаа жителите на Пустец, Корча, Мала Преспа од Република Албанија, кои со новоиздадени лични карти од МВР гласаа во општина Центар. За ВМРО-ДПМНЕ виновна е и полицијата, за која што велат дека ова не го спречила.
Еве како течеше дебатата меѓу овластениот претставник на ВМРО-ДПМНЕ Илија Илијовски и претседателот на ДИК Борис Кондарко.
За некои од приговорите на ВМРО-ДПМНЕ членовите на ДИК од партијата гласаа воздржано или против.
На денот на гласањето полицијата немо набљудуваше што се случува, ги спроведуваше лицата од Пустец и Корча за да можат да гласаат, а на набљудувачите од здружената опозиција им беше одземен видео материјал, а на некои од медиумите со новинарски легитимации им беше забрането да влезат на избирачките места. За потсетување еве што забележа камерата на А1он на вториот круг за гласање.