Пластични шишиња, кеси, сува трева, дрвја па дури мебел стојат заглавени на кејот на Вардар во делот на Карпош. Скопјани се незадоволни што се чисти и уредува делот на Вардар само во Центар.
„Како е направен овој дел, така е оставен. Дури и скалите кај мостот пред Влае се изронија и опасни се за одење“, реагираат скопјани.
Во коритото на реката, покрај кејот во неколку делови се израснати и цели дрвја, па гранките служат како брана и го собираат ѓубрето кое само се таложи оти никој не го чисти.
Скопјани алармираат дека меѓу расфрланото ѓубре на секој чекор има искористени маски.