Кандидатот на СДСМ за градоначалник на општина Кисела Вода Филип Темелковски ветува проекти со кои, како што изјави денеска, ќе се врати спортот во општината.
– Ќе почнеме уште од најмладите со воведување на физичко образование уште од најраните училишни денови. Дополнително, ќе ги реновираме сите училишни сали на територија на општина Кисела Вода, и ќе изградиме нови во училиштата во кои што ги нема, изјави денеска Темелковски.
Тој истакна дека во Кисела Вода треба да се преземат активности за возобновување на училишниот спорт.
– Сцените на празни стадиони и напуштени сали ќе бидат минато во општината. Затоа ќе се реновираат и салите и стадионите, рече Темелковски, најавувајќи максимална промоција на мерката на Владата за даночно олеснување на фирмите кои инвестираат во спортот.