(ВИДЕО) Темелковски: Недозволиво е во Кисела Вода да нема пристап до чиста вода и се уште да има септички јами

Од:

Филип Темелковски, кандидат за градоначалник на Кисела Вода од коалицијата предводена од СДСМ изјави дека е недозволиво на два километри од Скопје да има септички јами и голем дел од општина Кисела Вода да нема пристап до чиста вода.

– Затоа нашите проекти се насочени првично према тоа, да ја направиме Општина Кисела Вода модерно и урбано место за живеење, убаво место за живеење. Мораме да го смениме начинот на функционирање на нашата општина. Дека нема да се прави од канцелариите на Борис Трајковски туку ке се прави од месните заедници. Се што ќе се прави во Општината ќе се прави заедно со граѓаните преку месните заедници. За решавање на проблемите на микро средина каде што сме денеска дојдени, ќе доаѓаме и после 15 Октомври, но тогаш, како Градоначалник, за да ги одредиме конкретните потреби на нашите сограѓани, рече Темелковски.

Борис Тунџев објасни дека еден од приоритетите е измена на законот со кој ќе се реши системски проблемот, не за поединци не за некој кој што има одредена партиска книшка туку во глобала целиот проблем за Драчево да биде надминат.

– Ние веќе подготвуваме и е во тек подготовката на измените во законот, се надевам дека веднаш после изборите ќе отиде во собрание за системски решавање на проблемот со вашите имоти, рече Тунџев.

Министрот Горан Сугаревски додаде дека го поддржува Филип Темелковски и дека нема апсолутно никаква дилема дека Коалицијата предводена од СДСМ ќе победи убедливо на овие избори.

– Ние мора да добиеме шанса, ние бараме шанса од вас. За да не биде исто како што е. Ако остане локалната самоуправа од ВМРО исто ќе биде. Сега бевме на други локации еден кружен тек го правеле три години. Кружен тек три години да се прави. Сакам да отвориме малку расправа тука не мора да биде само со прашања може да биде со дебата, сугерирајте, кажете со сугестии програмата не е како што е само напишана и токму таму и да се прошири ама најбитно од се овие исти луѓе да идат да идеме тука за да не биде само за избори и после тоа четири години пак ќе дојдат избори пак ќе треба да се дојде да се каже, ни еден нема да биде тука, рече Сугаревски.

Би можело да ве интересира

СДСМ: Во вториот круг се бориме за 17 места, граѓаните масовно да излезат на гласање

СДСМ: ВМРО-ДПМНЕ би имале 52 пратеници а СДСМ 21, изгубија 140.000 гласови и попусто лажат со весели математики

ВМР0-ДПМНЕ: Ако утре има парламентарните избори, ќе освоиме над 60 пратеници, а СДСМ би била во некои изборни единици трета партија

Кривична за пироман од Скопје – предизвика пожар во возило во Кисела Вода

А1он

ВМРО-ДПМНЕ: Освоивме 550 советнички места, повеќе за 82 од минатите локални избори, а СДС освои само 230 советника, што е помалку за 166

Османи му ја честита победата на Меџити и му посака успех во водењето на општината