(ВИДЕО) Темелковски: Ќе ги реконструираме постоечките и ќе изградиме две нови градинки во Кисела Вода

Од:

Филип Темелковски, Кандидат за Градоначалник на Кисела Вода од коалицијата предводена од СДСМ денеска во изјава за медиумите соопшти дека планира сериозни инвестиции во градинките на територијата на општината и предвидува реконструкција на постоечките градинки и изградба на две нови.

– За нас е недозволиво помеѓу четиристотини и шестотини деца секоја година да чекаат да бидат запишани во градинките. За таа цел покрај реконструкцијата и зголемувањето на капацитетите на постоечките градинки планираме изградба на две нови градинки. Едната во населбата Расадник другата во населбата Драчево. Овие градинки ќе бидат во најнов европски стил што ги исполнуваат сите европски стандарди. Дополнително ќе бидат со енергетски и ефикасни фасади за да се заштеди на електрична енергија, рече Темелковски.

Градинките ќе бидат поделени во три дела, додаде Темелковски објаснувајќи дека првиот дел е за најмладите или за децата од јасли, вториот дел за постарите групи и административната зграда, а третиот дел за исхрана.

– Заедно со нутриционистите од територијата на Општина Кисела Вода ќе се подготвуваат најдобрите оброци за нашите најмлади. Сметаме дека најмладите на територија на општина Кисела Вода заслужуваат најдобро образование и најдобри инвестиции во нивната област, рече Темелковски.

Би можело да ве интересира

СДСМ: Во вториот круг се бориме за 17 места, граѓаните масовно да излезат на гласање

СДСМ: ВМРО-ДПМНЕ би имале 52 пратеници а СДСМ 21, изгубија 140.000 гласови и попусто лажат со весели математики

ВМР0-ДПМНЕ: Ако утре има парламентарните избори, ќе освоиме над 60 пратеници, а СДСМ би била во некои изборни единици трета партија

Кривична за пироман од Скопје – предизвика пожар во возило во Кисела Вода

А1он

ВМРО-ДПМНЕ: Освоивме 550 советнички места, повеќе за 82 од минатите локални избори, а СДС освои само 230 советника, што е помалку за 166

Османи му ја честита победата на Меџити и му посака успех во водењето на општината