Пандемијата предизвикана од коронавирусот, како и вонредната состојба, не ги спречи стружани и МПЦ да ја одржат традиционалната литија во Струга. Стотици граѓани шетаа низ струшките улици, дел од нив со маски, но без одржување на препорачаната дистанца од два метри. Ваквиот чин предизвика револт кај јавноста, која го осуди ова однесување.
Од снимките може да се забележи дека за време на одржување на литијата има и присутни кои немаат заштитна опрема, иако е задолжителна бидејќи не можела да се одржи дистанца меѓу нив. Покрај присутни без маски минува и полицијата, но не ги предиупредува за прекршувањето на уредбните донесени од Владата, ниту пак, ги казнува за неносењето на маски.
Литијата во Струга се одржува секоја година, традиционално еден ден по празникот Ѓурѓовден. Во храмот „Св.Георгиј Победоносец“ од страна на Метрополит Тимотеј и локалното свештенство, беше отслужена и панихида за покојните ктитори и градители.
Posted by Светлана Нестороска on Четврток, 07 мај 2020
Владата донесе уредба и е во сила, со која се забранува собирање на повеќе од пет лица на едно место. Наложено е и задолжително носење маски на места каде не може да се одржи дистанца од два метри.