Актерката Силвија Стојановска е револтирана од она што беше вчера обелоденето од Зоран Заев, од тоа на кој начин, вели се уништуваат човечки животи, на кој начин се сокриваат убиства на невини луѓе кои не значат апсолутно ништо за тие луѓе кои разговараат за губењето на тој млад живот.
„Затоа ги повикувам сите да дојдат на оваа страна, не верувам дека има здрав разум кој може да го бранат овој начин на однесување со сопствениот народ. Грозно?Јас не знам што треба да направам ? Да побарам азил? Да ги повикам сите луѓе да побараме масовен азил, бидејќи немаме своја држава? Дека мојата татковина не ја чувствувам како моја? Каде моите деца да раѓаат деца, каде да растат моите внуци? Гледаме дека крадат, убиваат, дека прават местенки, ама јас ќе си молчам за да преживеам? Страшно!
Стојановска денеска беше пред Владата заедно со другите граѓани кои го изразија својот револт од снимените разговори кои ги објави Заев.