(ВИДЕО) Спасувачка акција на МВР и ЦУК: Жител на Галичник со хеликоптер пренесен во болницата „8 Септември“

Од:

Постојан жител на Галичник денес со хеликоптер бил пренесен на лекување во болницата „8 Септември“ во Скопје. Поради големи снежни наноси селото е отсечено, па единствено можно било да се пристапи со хеликоптер.

За спасувачката акција јави Месната заедница Галичник преку објава на социјалните мрежи.

„Месна заедница Галичник сака да изрази благодарност до директорот на Центарот за управување со кризи, Стојанче Ангелов, Министерство за внатрешни работи и САЕ Тигар, за организирана акција во која беше вклучен хеликоптер на МВР и припадници на специјалните единици со цел да се извлече дедо Павле, постојан жител на Галичник, на лекување во Скопје.

Во невозможност медицински екипи да пристигнат во Галичник поради големи снежни наноси, извлекувањето е направено со имобилизација и повлекување од воздух. Дедо Павле безбедно пристигна во Скопје, згрижен е во Болницата 8ми Септември и му посакуваме брзо закрепнување“, стои во објавата на месната заедница.

Од таму укажуваат дека е неопходно е надлежните да отворат зимски пат до Галичник, преку село Јанче, Општина Маврово Ростуше. Апелираат Јавното претпријатие за државни патишта и Министерствотот за транспорт и врски оваа делница од само 5 километри да се отвори.Потсетуваат и дека постојниот пат Маврово – Галичник е во категорија регионални патишта за кои е задолжително зимско одржување.

„Поради географската положба и ориентација, свесни сме дека одржувањето е невозможно во зимски услови. Меѓутоа, токму затоа е потребно да се овозможи алтернативен пристап од јужната страна, отворајќи пат од селото Јанче – делница од само 5 километри! Убедени сме дека тоа државата ќе ја чини помалку отколку вакви инцидентни и итни интервенции кои се тешки и ризични“, велат од Месната заедница Галичник.

Би можело да ве интересира

Уапсен кавадарчанец кој му се заканувал на градоначалникот Јанчев

Кумановец загина во тешка сообраќајна несреќа кај Агино село

Пожарникари извлекоа паднат човек во реката Драгор

Орце Костов

Пронашле граната, ја однеле во полициска станица во Берово

Неексплодирана рачна бомба пронајдена на улица во Демир Капија

Катерина Ѓуровски

ЦУК: Забрана за движење кај стрелиштето „Леково“, пожари во Кавадарци и Велес