Барам член кој може да го поништи Член 78 од Деловникот, денеска е девети ден, а се уште немаме претседател на Собранието, рече Оливер Спасовски од СДСМ.
Откако претседавачот Трајко Вељаноски се обиде да го протолкува деловникот онака како што нему му одговара, Спасовски му кажа дека немаат потреба од негов совет.
– Ако сакаме да го изиграме деловникот, ќе ве консултираме. Со поддршка од најмалку десет пратеници, пратеник може да побара измена на дневниот ред и јас се повикав на тоа, рече Спасовски.
Дебата во Собранието од почетокот на деветото продолжение на конститувната седница е единствено помеѓу Оливер Спасовски и Илија Димовски.
Додека СДСМ и коалицијата бараат да се премине на изборот на претседател, Димовски им кажа дека ако се обидат да го изиграат деловникот ќе имале последици.