(ВИДЕО) Снимки од дрон: Над Скопје облаци од чад, скопјани го дишат најотровниот воздух во светот

Од:

Скопје се наоѓа од второ па до десетто место на светската ранг листа за најзагадени градови, зависно од периодот на денот. Тоа значи дека жителите дишат отровен воздух. Утрово во 9 часот Скопје беше на 10 место, а веќе во наредниот час се качи на деветтото место. Во 11:30 минути, го зазема третото место на ранг листата со најзагадени градови во светот.

Цело утро воздухот во градот мириса на чад. На 160 метри повисоко, може да се видат и густите обвивки кои надвиснуваат над градот. Ако се погледне кон Водно, планината воопшто не се гледа. Од снимките кои ги направи „А1он“ може да се воочи дека облаци од чад има над цело Скопје.

Во моментот кога се направени снимките, квалитетот на воздухот во Скопје се движеше од 150 микрограми на метар кубен ПМ10 честички во Аеродром до 4 микрограми на метар кубен ПМ10 во Соње. Пет мерни станици покажаа дека нивото на ПМ10 честички е многу високо, како во Автокоманда, Бит пазар, Стар Аеродром, Реонски центар Аеродром, Бутел 2. Високо ниво на загаденост покажуваа 13 мерни станици, како во Железара, Топанско поле, Карпош 1,2,3,4, Козле, Капиштец, Ѓорче Петров, Црниче. Покачено ниво на ПМ10 честички покажуваа мерните станици во Тафталиџе 1 и Долно Нерези.

Со поскапувањето на струјата кое се очекува од јануари, проблемот со загадувањето се очекува да биде и поголем. Се очекува, се повеќе граѓани да се решат за греење да користат шпорети на дрва како поевтин начин за затполнување на нивните домови.

Дека состојбата со воздухот е алармантна говори и фактот дека од вчера се воведени мерки од новата градоначалничка на Скопје, Данела Арсовска. Воведен е бесплатен превоз, ограничени се градежни активности, се контролираат градилиштата, а почесто треба да се мијат и улиците. Арсовска имаше и апел до вработените во Град Скопје да користат јавен превоз при доаѓање на работа, наместо автомобили.

Би можело да ве интересира

Надминат прагот на алармирање на суспендирани честички со големина до 10 микрометри во Тетово и Струмица

Ана Ололовска

Стојковски: Речиси секаде се направени контроли за загадување, нема отстапки во однос на зададените параметри

Ана Ололовска

Концентрациите на ПМ10 честички во Скопје и Струмица паднаа под прагот на алармирање

Ана Ололовска

Град Скопје: Срамно е Шилегов да се жали за загадениот воздух

Ландов

Мерна станица за квалитет на воздух поставена во Кисела Вода

Катерина Павлова-Николовска

Производителите на возила ја гледаат 2040 година како краен датум за возилата што загадуваат

А1он