Западен Балкан за Германија е од стратешко значење и јас се залагам за примање во ЕУ. Сакам да кажам Германија е сериозна со ЕУ интеграцијата со државите од регионот, ЕУ има дадено ветување кон Македонија која ги исполни сите услови, рече германскиот канцелар Олаф Шолц во Скопје.
– Пристапните преговори треба да започнат, ќе се заложам за тоа. Многу напори направија и Северна Македонија и Албанија и ги заслужија овие разговори. Во 2003 година на земјите од Западен Балкан им беа дадени далекусежни ветувања за членството во ЕУ и тогаш сметале сите дека ќе биде тоа многу побрзо од овие 20 години. Има далекусежни одлуки кои се донесени во ЕУ, често го има тоа во политиката, како Германија ќе се заложиме многу да се ослободи патот за отворање на преговорите, рече Шолц.
Македонскиот премиер Димитар Ковачевски кажа дека македонските граѓани својата независнот ја слават на 8 септември, и дека „ние не можеме да бидеме заложници на тоа дали ќе има или ќе нема датум.
-Тоа ќе зависи од 27 земји членки дали ќе донесат одлука, а сега зависи само од една земја членка кој држи две држави во заложништво, Македонија и Албанија, рече Ковачевски.