(ВИДЕО) Шекеринска: Им благодариме на граѓаните за поддршката и за разбирањето дека членството во НАТО е брза патека за економски раст

Од:

Потпретседателката на Владата на Република Северна Македонија и министерка за одбрана, Радмила Шекеринска денеска им се обрати на граѓаните на Битола на трибината со нив „Фер општество – Шанса за сите“.

Потенцирајќи дека во изминатава година Република Северна Македонија поминала низ сериозни внатрешни промени, министерката Шекеринска рече дека за разлика од тогаш кога земјата била доживувана како проблем, сега перцепцијата за Северна Македонија е безбедна земја, којашто е дел од големиот воен сојуз.

„НАТО не е само стратешки успех на Република Северна Македонија, туку претставува и брза патека за економски раст на земјата, а тоа ќе донесе бенефит, пред сé, за младите. Членството во НАТО, и ова не е претпоставка, гледано од искуството на другите земји, три кратно ги зголемува странските инвестиции, обезбедува услови за зголемување на работните места, како и раст на платите“, истакна вицепремиерката и министерка за одбрана, Радмила Шекеринска.

Во оваа насока, таа на трибината со граѓаните во Битола го истакна новиот Закон за спречување на корупцијата, како и формирањето на Државната комисија за спречување на корупцијата, која што нема да замижува и да молчи кога ќе утврди корупција.

Покрај членството во НАТО, како што истакна министерката за одбрана Шекеринска, обезбеден е и другиот столб за земјата, односно датум за почеток на преговорите со Европската Унија.

Би можело да ве интересира

Европската унија и постави ултиматум на Полска за судските реформи

Шекеринска: Оние кои не добиле НАТО сертификат, не значи дека направиле нешто што е спротивно на законот или на интересите на државата

Професионалните војници на крајот на ангажманот со можност да добијат 1.000 евра за секоја година минат труд

Стражај: Словачка докажа дека цврсто стои зад С Македонија за нејзиниот влез во ЕУ

Ана Ололовска

Владимиров: Новата администрација на САД ќе ја помага евроинтеграцијата на С Македонија

Ана Ололовска

Фон дер Лајен: Вложивме милијарди во развој на вакцини, компаниите сега да го исполнат своето

Жарко Настоски