На протестот пред владата се појави и сестрата на Љубе Бошкоски која рече дека е згрозена од се што се случува во Македонија.
– Ако се малку нормални, треба веднаш да дадат оставка. Зошто брат ми никого не мрази, во Хаг ја одбрани Македонија. И овие негови Македонци за ништо го затворија, зашто бара правда. Викаше, Македонија ќе ја направам Швајцарија. Ние му велевме – немој бе овие ќе ти направат проблем, и ете што се случи.
Ако имаат малку свест и совест треба да не се појават пред македонскиот народ. Ние сме три сестри, еден брат ни е. Тој никого не мрази, тој и сега не ги мрази, не знае да мрази луѓе затоа и пати, тоа е неговиот проблем, рече сестрата на Љубе Бошкоски.