На хуманитарната вечер во Клубот на новинари, претседателот на ЗНМ повика на будност пред пресудата од Апелациониот суд, за новинарот Томислав Кежаровски кој сеуште е во домашен притвор.
-Апелациониот суд на 24. октомври ќе ја разгледа неговата жалба, без разлика на одлуката, ние како колеги треба да сме подготвени, каква и да е одлуката, треба да сме подготвени да реагираме. Затоа ве повикувам да бидеме будни и да реагираме така како што досега сме реагирале, рече Селамни пред новинарите од Македонија како и дваесетина земји, преставници на Меѓународната и на Европската Федерација на новинари.
За вечерашниот настан со отворено писмо беше поканет и претседателот Ѓорге Иванов, но тој како и што се очекуваше, не се појави.