„Македонија е на нозе во одбрана на уставот, државноста, законите и иднината! Прилеп, градот на непокорот, го крева гласот во име на демократијата, слободата и правдата.
10 години Никола Груевски ја држи заробена иднината на земјата. Ги урниса институциите и се помилува себе си за сиот криминал и грабеж“, изјави Сашо Велески – Претседател на ОО СДСМ Прилеп.
„Граѓаните се решени да стават конечен крај на режимот на Никола Груевски и криминалната група околу него и во еден глас порачуваат:
Доста е! Никогаш повеќе Македонија нема да биде заложник на Никола Груевски! Општинската организација на СДСМ ќе застане рамо до рамо со граѓаните и ќе ги поддржи сите граѓанските протести коишто се најавуваат и организираат преку социјалните мрежи од страна на граѓанските организации, неформалните групи и индивидуи во Прилеп.
Ги повикувам сите граѓани на општина Прилеп, масовно да се приклучат на мирниот граѓански протест, најавен за утре, вторник,19 Април 2016 година, со почеток во 18 часот пред камената бина на плоштад Александрија.
Мирно и ненасилно, јасно и гласно да порачаме, дека нема да дозволиме уште едни криминални избори со непречистен избирачки список, без слободни медиуми и без одвоеност на ДПМНЕ од државата.
Дека нема да дозволиме оние што ја крадеа волјата и парите на народот, повторно да ги украдат изборите. Дека избори на 5-ти Јуни нема да има!
Злосторничкото здружение на чело со Никола Груевски, ќе одговора за криминалот и злосторството врз сопствениот народ.
Или Груевски, или Македонија? Граѓаните избраа Македонија“, рече Сашо Велески – Претседател на ОО СДСМ Прилеп.