Премиерот Зоран Заев најави дека во април ќе се гласа за нов претседател на СДСМ, на отворени и непосредни избори, каде сите членови на партијата ќе може да гласаат.
Изјави на Заев и Димовски
Posted by MИА.mk on Вторник, 01 септември 2020
„Во рамките на отчетниот конгрес кој ќе го имаме кон крајот на септември или почетокот на октомври, статутот ќе биде променет за да може и генерален секретар да учествува во извршата власт. И да најавам, втората промена ќе биде тоа што СДСМ ќе воведе непосредни избори за избор на својот претседател. Некаде во април месец, сите членови на СДСМ ќе гласаат на непосредни избори за избор на претседател“, рече Заев на денешната прес конференција.
Тој објасни дека Љупчо Николовски како генерален секретар на СДСМ не презеде одговорност за министерство со ресор, туку координативна функција, потпретседател што ги координира ресорите во извршната власт.
„Неговиот мандат во партијата, како и мојот е до мај месец 2021 година, кога истекуваат четирите години“, рече Заев.
Според досегашниот Статут на СДСМ, лидерот на партијата го избираше Конгресот.