„Никола Груевски дојде во Крива Паланка за да најави експресен пат од Ранковце кон Крива Паланка.
Зборуваше за тој пат што последниве 9 години зеде данок во крв. На релацијата Куманово – Крива Паланка – Деве Баир, што е меѓународен патен правец, изминативе 10 години 54 лица го загубија животот!
На овој пат се случија вкупно 874 сообраќајни незгоди. 591-на од нив, заврши со телесни повреди на патниците. 539 сообраќајки завршија со материјална штета.
И по 9 годишно владеење, Груевски сеуште ни зборува за идни инвестиции.
Ветува дека ќе ја направи пругата на релација Бељаковце – Деве Баир. Но за 9 години сеуште 1 евро немаат вложено во неа.
Тоа се фактите. Нема крупни проекти што ќе го подобрат животот на граѓаните. Или, што ќе отворат работни места за младите да не ја напуштаат Крива Паланка“, изјави Даниела Велковска, координатор на Форум на жени на СДСМ Крива Паланка.