Граѓаните на Република Македонија се наоѓаат пред историска шанса на 30. септември да излезат на гласање и да го искористат своето загарантирано уставно право за референдумско изјаснување и така да ја изберат иднината и за Македонија и за своите деца и идните поколенија, порача на средбата со жителите на Лозово, Фросина Ременски, потпретседател на Собранието на Република Македонија.
– Вистински патриотизам е да се искористи шансата и да се определи светлата иднина за генерациите и за државата, рече таа.
Ременски ги повикува сите граѓани, особено младата генерација да ја искористат шансата и, како што рече, Европа да ја донесеме во Македонија да не ја бараме надвор.
– Напротив да бидеме рамо до рамо со развиените земји од ЕУ и НАТО, затоа што таму припаѓаме и очекуваме да се развиваме како демократска земја со напредна економија, со висока стапка на вработеност на младите и се’ она што значи посветла и перспективна иднина за граѓаните на Р.Македонија, изјави потпретсдателката на Собранието Ременски.
Таа уште еднаш потенцира дека светот, ЕУ и НАТО ги отвори вратите за Р.Македонија за да бидеме дел од големото семејство и ние, нагласи, таа шанса треба сега да ја искористиме.