Пепица Честојнова, девојката од Неготинo која учествуваше на денешните протести на земјоделците пред Владата, пред камерата на „А1он“ изјави дека таа не е земјоделка, но дека нејзините родители се занимаваат со земјоделство, па токму затоа дошла на протестите за да пружи поддршка.
Сепак, мајката на Честојнова, Павлинче Честојнова, можеби некогаш била земјоделка, но сега е пратеничка од редовите на ВМРО-ДПМНЕ во Собранието.
„Јас сум од Неготино, протестираме затоа што не ни се исплатени субвенциите и затоа што вчера тоа што го исплатија е чисто понижување за земјоделците, затоа што 3,5 милиони е исто како 36-те денари за пензиите. Треба да се засрамат“, рече таа.
На нашето прашање дали е земјоделка, Честојнова одговори:
„Лично јас не, моите дома да, јас излегов за поддршка, затоа што сум од Неготино, кој е земјоделски крај.“
Извори за „А1он“ потврдија дека Пепица Честојнова не потекнува од земјоделско семејство, туку дека нејзината мајка е пратеничка во Собранието од редовите на опозицијата.
Всушност, самата Честојнова на нејзиниот профил на Фејсбук, во последниве денови го поддржува протестот на земјоделците пред Владата и повикува да излезат во што поголем број.
СДСМ веќе реагираше дека денешниот протест на земјоделците е организиран од опозициската партија, на кој можеа да се видат голем број членови на ВМРО-ДПМНЕ.