ВИДЕО: Протести за Монструм – на тапет ставени Фетаи, Кацарска, Русковска и Јовески

Од:

Со знаме на Република Албанија и со транспарент на кој пишува „УА правда, слобода за невините“, почнаа протестите за случајот Монструм, откако судот во февруари изрече три доживотни казни затвор, две затворски казни од 9 и 15 години и една ослободителна пресуда за случајот со петкратното убиство кај Смилковско Езеро.

„Нема правда, нема мир“ и „УЧК, УЧК“ извикуваат присутните на протестите, кои се организирани од семејствата на правосилно осудените.

Тие носат и транспарент, во кој како корумпирани ги таргетираат обвинителите Фатиме Фетаи, Љубомир Јовески, Вилма Русковска и судијката Добрила Кацарска.

„И ние сме деца под сонцето, и ние сме народ“, извикуваат присутните.

Засега, протестите течат без инциденти. Демонстрантите тргнаа од општината Чаир и се упатија накај Владата, каде што се поставени барикади.

Со првостепената пресуда која Основниот кривичен суд во Скопје ја изрече на 23 февруари, на доживотен затвор за тероризам беа осудени Алил Демири, Африм и Агим Исмаиловиќ, Хаки Азири на 9, а Фејзи Азири на 15 години за помагање. Сами Љута доби ослободителна пресуда откако обвинителството се откажа од негово гонење поради немање докази за вмешаност во петкратното убиство.

Протестите ги најавија роднините на првостепено осудените кои се жалат дека тие се невини и осудени без докази.

Три дена по изрекувањето на пресудата, на 26 февруари се одржаа протести кои завршија со осуммина приведени и седум повредени припадници на полицијата. На протестите се фрлаа камења и други предмети кон полицискиот кордон, којшто го спречи движењето на демонстантите кон Кривичниот суд. Полицијата, пак, возврати со шок-бомби, а нападната беше и новинарска екипа.

Би можело да ве интересира

(ВИДЕО) Хаос во Белград: Антиваксерите на улица, расчинетиот монах Антоније фрла јајца кон полицијата и кон новинарите

Курти не одговори дали и кога Косово ќе ги испорача Исмаиловиќ и Демири, осудените во „Монструм“

ВИДЕО: Вулгарности, политички говори, барања за оставка и сечење маски на протестот против мерките

Кристијан Ландов

Полска: Протести против закон со кој се задушува независноста на медиумите

А1он

Вознемирувачки снимки на полициската бруталност во Берлин-ја фаќа за врат, па на земја

Предраг Петровиќ

ВИДЕО: Француската полиција со солзавец ги растера демонстрантите против санитарните пропусници

Катерина Павлова-Николовска