Група од 20-тина луѓе се собраа пред Основниот суд 1 – Скопје каде денеска требаше да биде донесена пресудата за седуммината обвинети во случајот „Монструм“, а која е одложена за 30. јуни. Тие одржаа мирен протест со транспаренти на кои пишуваше „Пресуда по диктат“, „Гешковска – Нострадамус“, „Владеењето на правото е еднакво на нула“.
Според Бедри Ајдари, роднина на обвинетиот Фејди Азири во случајот „Монструм“, обвинение воопшто и не треба да има.
– Како што успеав да прочитам на транспарентите, пресудата е по диктат и е донесена на 1 Мај 2012-та година. Според мене и многу релевантни правници, воопшто не би требало да има обвинение. Меѓутоа, некои работи идат со сила, а онаму каде што има сила – нема правдина – изјави Ајдари.
Судењето за масакрот кај Смиљковското езеро започна на 20. декемри по неколкумесечна истрага и подготовка на обвинителниот акт.
Петар Клинчарски