Во организација на СУМ – Сите за унитарна организација (Светски Македонски Конгрес, Македонски Манифест, ПРЕРОДБА, НАШИ, Христијанско братство, Македонско патриотско здружение „Васил Чакаларов“, КОД, НИЕ, БРИГАДА, Тврдокорни) пред Министерството за надворешни работи во Скопје се одржува мирен протест на граѓани од Република Македонија.
Тие преку протестот го изразуваат, како што велат, незадоволството од преговорите на македонската влада со Грција за промена на името.
Во врска со прашањето за името, Народниот фронт за спас на Македонија бара прекин на преговорите со Грција веднаш и поднесување барање до генералното собрание на Обединетите нации учество на Македонија под нејзиното уставно име.
За време на протестот, во Министерството за надворешни работи се одржува средба меѓу шефовите на грчката и македонската дипломатија, Никос Коѕијас и Никола Димитров.
Виктор Јованов