35-годишен кумановец е приведен под соменение дека го запалил трите возила во Куманово, едното на обвинителот Џелал Бајрами како и деловниот објкт на советникот во Советот на Куманово од ДУИ. МВР информираше дека тој е приведен на скопски Бит Пазар денеска околу еден час по полноќ.
– Денеска (05.12.2024) во 01.10 часот во Скопје, на подрачјето на Бит Пазар, по претходно добиени оперативни информации и координација на СВР Куманово со Одделот за криминалистичка полиција при Бирото за јавна безбедност и СВР Скопје, полициски службеници од Единицата за интервентна полиција при СВР Скопје го лишиле од слобода Ф.А.(35) од Куманово. Тој се сомничи дека на 02.12.2024 во Куманово опожарил три патнички моторни возила и еден деловен објект. Ф.А. бил приведен и задржан во Полициска станица Куманово и по целосно документирање на случајот против него ќе следува соодветна пријава, информираат од МВР.