(ВИДЕО) Пожарот кај Макази се шири кон Пелистер, има индиции дека е подметнат

Од:

Голем пожар попладнево избувна во атарот на селото Макази во Општина Ресен, а според директорот на Дирекцијата за заштита и спасување, Стојанче Ангелов, постојат индиции дека огнот бил намерно предизвикан.

Ангелов информираше дека пожарот првично бил забележан на најмалку две одделни локации во јаболкови насади, по што огнената линија почнала да се шири.

Поради опасноста пламените јазици да се доближат до Националниот парк „Пелистер“, ДЗС веднаш ангажираше „Ер трактори“, кои дејствуваат од воздух. На терен се испратени и два противпожарни тима со возила „Пинцгауер“, кои им помагаат на пожарникарите од Ресен.

Во акцијата е вклучена и механизацијата на Националниот парк „Пелистер“. Со неа се пробиваат противпожарни пресеки со цел да се запре ширењето на огнот кон шумскиот појас.

Според Ангелов, денеска низ земјата биле регистрирани повеќе од 30 пожари на отворен простор. Тој повторно апелираше до граѓаните да бидат крајно внимателни и да не предизвикуваат дополнителен ризик.

„Работиме пожртвувано и даваме сè од себе, но нашите сили се исцрпени“, порача Ангелов, укажувајќи дека секојдневното справување со голем број пожари сериозно ги оптоварува локалните пожарникарски единици и државните ресурси.

Би можело да ве интересира

Догорче од цигара причина за пожарот во ГОБ „8 Септември“, нема повредени

Пожар во болницата „8 Септември“ во Скопје, пациентите се евакуираат

Горан Наумовски

Пожар во подземниот паркинг на КАМ мол во Ѓорче Петров, евакуирани посетителите

Горан Наумовски

Изгорен стан во Белград, во ходникот пронајдено тело на 55 годишник

А1он

Двајца пожарникари загинаа додека гасеа пожар во близина на Атина

Нема повредени при запалените куќи на Бит-пазар, полицајци сѐ уште присутни на лице место