Велешкото здружение за заштита на животните „Гласот на животните“ на „Фејсбук“ објави видео и фотографии од мало, двомесечно куче како цвили и бара помош, откако било фрлено во дупка со подземни канали на десетина метри во Градскиот парк.
Активистите веднаш ги повикале противпожарните служби кои излегле во пресрет.
„Јавна благодарност за пожарникарите од Противпожарната единица – Велес за спасување на двомесечно куче кое беше фрлено во дупка со подземни канали од десетина метри во Градскиот парк“, напиша еден од активистите.
Кучето е на сигурно и згрижено, велат од здружението.