Нашиот став е јасен и прецизен. Ние предложивме законска форма во којашто ги дефиниравме и потврдивме нашите позиции. Таа се базира врз предлогот на меѓународната заедница којшто е во согласност со сите оние размислувања на опозицијата и на огромен процент од медиумската заедница, новинарскиот еснаф и сите оние луѓе коишто работат во оваа професија, во интерес на граѓаните на Република Македонија.Опозицијата нема да отстапи од регулација на медиумите што ќе значат можност за граѓаните да добијат објективна слика за тоа каква е состојбата во државата, изјави вечерва Роберт Поповски од преговарачкиот тим на СДСМ.
Тоа е црвената линија која дефинитивно во интерес на регуларни и фер избори ,но и во интерес на демократскиот амбиент мора да се испочитува и тоа е она што единствено може да ја носи Република Македонија напред во медиумската сфера, рече Поповски.