Состојбата на македонско грчката граница се влошува, полицијата употреби и солзавец за растерување на мигрантите на кои не им се дозволува да се приближат на македонска територија.
Силни полициски сили и војска се рапоредени на границата, а не се дозволува ниту влез на новинарите и снимателите со образложение дека не е безбедно, иако вистинската причина е таа што мигрантите кога ќе здогледаат новинари почнуваат да се бунтуваат поради затворената граница и се жалат за употреба на сила од страна на полицијата.
Помеѓу полицијата и мигрантите е поставена и бодликава жица во висина од еден метар.
Сепак, синоќа околу 300 мигранти успеале да влезат на македонска територија и полицијата трага по нив за да ги врати на меѓуграничната зона.
Вчера владата прогласи вонредна ситуација на јужната и северната граница поради големиот прилив на мигранти, а во обезбедување на границата се вклучи и војската.