Македонската полиција денеска фрлаше шок бомби кон неколку илјади мигранти кои се обидуваат да влезат на македонска територија.
Неколку илјади бегалци, најголем број од Сирија, но и од Африка и Азија ја поминаа ноќта на ничија земја откако Македонија вчера воведе вонредна состојба и ја затвори границата.
Полицијата која е во опрема за разбивање немири и стои до бодликавата жица фрли шок бомби во обид да ги потисне мигрантите и да ги спречи да влезат на македонска територија.
Неофицијално има повредени мигранти во турканицата преку жицата откако е интервенирано со шок бомби.
Повеќе од 4.000 мигранти ја блокираа вчера меѓународната пруга Солун-Скопје кај Гевгелија, а денеска според прогнозите се очекува да се зголеми бројот на мигранти кои пристигнуваат од Турција во Грција.