ВИДЕО: Полиција ги опкружува местата каде што престојува Мијалков, од него ни трага ни глас

Од:

Две полициски возила се пред зградата каде што живееше поранешниот директор на УБК, Сашо Мијалков во скопската населба Капиштец. Инаку сега, неговото живеалиште е на Водно, каде што исто е видливо полициско присуство. Полицијата е стационирана кај хотелот „Панорама“, односно пред слепата уличка која води кон живеалиштето на Мијалков.

Нему треба да му биде доставено решение за куќен притвор издадено од Кривичниот суд, а на барање на обвинителството. Полицијата повеќе од три часа не може да го најде Мијалков, за да му го достави решението. Неофицијално, наредбата доаѓа за да се обезбеди присуство на Мијалков за пресудата за случајот „Таргет Тврдина“ закажана за 26 февруари, во петок, каде што тој е првообвинет.

Шпекулациите кои се шират во јавноста се дека тој е во бегство, но засега ниту една надлежна институција не може да ги потврди овие информации.

Пред хотелот „Мериот“ во Скопје не е видливо полициско присуство.

Хотелот „Мериот“ тој го пријави како адреса за извршување на мерката куќен притвор, но во меѓувреме му се изгуби трагата на првообвинетиот во „Таргет-Тврдина“.

Би можело да ве интересира

Мијалков не може да се снима со видео и аудио опрема, а куќата му е опколена со 20 полицајци

Кристијан Ландов

Мијалков немал покачена температура пред да влезе кај Русковска

Кристијан Ландов

Филипче нема информации дали Мијалков се тестирал и дали пријавил самоизолација

Маја Илиевска-Пачемска

(ВИДЕО) Русковска: Среќна сум што Мијалков сам се пријави, апсолутно не верувам дека бил болен

Жарко Настоски

ВИДЕО: Мијалков во автомoбил со затемнети стакла однесен на Водно во домашен притвор

Кристијан Ландов

ВИДЕО: Мијалков е со адвокатот кај Русковска, не одговара кај бил неговиот клиент изминатите три дена

Кристијан Ландов