Му се изгуби трагата на Мијалков, полиција претресува возила и го бара насекаде

Од:

Полицијата речиси три часа не може да го лоцира ексдиректорот на УБК, Сашо Мијалков за да му врачи решение за домашен притвор кое е изготвено од Кривичниот суд. Речиси целиот град е окупиран од полицијата, која се обидува да го лоцира Мијалков. Адвокатот Петар Василевски кој го застапува Мијалков за „А1он“ не сакаше да ја коментира одлуката и наместо одговор ја спушти слушалката.

Информации нема ниту од Министерството за внатрешни работи. Тие не одговaраат дали е распишана потерница по Мијалков, како што се шпекулира во јавноста. Молк и од обвинителката Ленче Ристоска која го застапува предметот „Таргет-Тврдина“ за прислушкувањето, поради кој е побаран притвор. Ниту портпаролите на Обвинителството не одговараат зошто сега се одлучиле да побараат притвор и дали имаат сознанија за можно бегство.

Единствено познато е дека полицијата не го најде Мијалков во куќата на Водно, ниту во хотелот „Мериот“ на скопскиот плоштад, кој го пријавуваше како престојувалиште кога порано издржуваше мерка куќен притвор.

Полиција контролира и на скопската обиколница. Речиси сите возила кои поминуваат се застануваат и проверуваат.

Инаку, пресудата за предметот „Таргет-Тврдина“ треба да се донесе во петок.

Би можело да ве интересира

Пресудата за „Трезор“ ќе биде објавена идната недела

Жарко Настоски

Мијалков да се ослободи од обвинение, побараа неговите адвокати

Мијалков во Лондон не договарал набавка на опрема за УБК, тврди неговата одбрана

Катерина Павлова-Николовска

Филип и Александар Мијалков: Не е точно дека сме претепале момче – нападнат беше наш пријател, ние ја смирувавме ситуацијата

Нападнат синот на Влатко Мијалков, натепаниот скопјанец му го демолираше возилото

Ландов

Синовите на браќата Мијалкови повикани на распит во станица – претепале момче во скопско кафуле

Мери Јордановска