Во Основниот суд Скопје 1 започна судскиот процес против 29 лица кои се обвинети за настаните во кумановската „Дива населба“, кои се случија во мај минатата година.
Лицата се обвинети за кривични дела „тероризам“.
На 7-ми декември минатата година сите 29 обвинети лица за тероризам пред Советот од судии од Основниот суд Скопје се изјаснија дека не се виновни за делото „тероризам“.
На 9-ти и на 10-ти мај 2015 година во кумановската Дива населба вооружена група се судри со безбедносните сили, при што загинаа осум полицајци од специјалните и посебните единици на МВР, додека четириесетина беа тешко повредени. Убиени беа и десет лица од вооружената група.