(ВИДЕО) Пендаровски: Мицкоски и Силјановска пред странските дипломати велат дека ќе го сменат Уставот, а народот го лажат дека нема да прават промени

Од:

Кандидатот за претседател Стево Пендаровски денеска одржа граѓански централен митинг во Скопје.

Говорејќи за понудата на најголемата опозициона партија во текот на политичката кампања, Пендаровски истакна дека наместо предлози за подобро денес и утре на граѓаните и на државата, тие ги рециклираа истите политички решенија кои ја донесоа државата во статус на изолирана и заробена, со власт која монтираше политички процеси и земја во која имаше политички затвореници и новинари во затвор.

„Да бидеме искрени, дали некој воопшто од нас кој го памети режимот, имаше причина да се надева на поинакво однесување од партијата која организираше насилен упад во парламентот, а, денес и по седум години, не само што не се извини на жртвите и на целиот народ поради тој срамен чин, туку најавува амнестија на насилниците кои беа спремни да убиваат само за нивните политички ментори да останат на власт“, рече Пендаровски и праша дали во оваа кампања понудија нешто во однос на двата клучни предуслови за стабилна и просперитетна држава: евроатлантските интеграции и меѓуетничките односи?

„Прво, во обид да ги манипулираат граѓаните, нивниот став за нашата интеграција во НАТО доживеа невидена трансформација. Лично од нивната кандидатка за претседател чувме дека интеграцијата во НАТО алијансата била важна за стабилноста на земјата, а истата личност пред 4 години бараше кривична одговорност за потписниците на Преспанскиот договор. Партијата која ја поддржува, за овој политички лупинг не кажа ниту збор, мислејќи дека ги имаме заборавено жестоките критики и тешките лични навреди упатени кон сите нас, кои го поддржуваме тој договор. За да биде парадоксот уште поголем, високи претставници на таа опозициона партија поверуваа во сопствената пропаганда и две години по усвојувањето на преговарачката рамка сѐ уште не знаат што пишува во неа: имено, дека целокупното европско законодавство ќе биде преведено и на македонски јазик, а македонскиот ќе биде еден од официјалните јазици во таа организација во моментот кога ќе станеме членка. Сакаат да заборавиме и дека во септември минатата година не се случи потпишувањето на договорот со Фронтекс, европската агенција за чување на границите на Шенген зоната кој го потпишавме и на македонски јазик “, додаде Пендаровски.

Во оваа насока тој потенцираше дека нивниот таканаречен предлог за деблокада на нашиот европски пат кој им го подметнуваат на сопствените граѓани е да ја репреговараат преговарачката рамка со Унијата, иако сите високи претставници на ЕУ велат дека тоа е завршена работа.

„Пред странските дипломати изразуваат формална подготвеност за деблокада, висок претставник од нивната сестринска партија од Германија, по разговорите со нив рече дека е убеден дека ќе гласаат за уставните промени, а, овие и понатаму секој ден повторуваат дека уставни промени нема да има под бугарски диктат“, заклучи Пендаровски.

Би можело да ве интересира

Мицкоски првпат пратеник, во клупите и цело екс раководство на СДСМ, ќе се конституира новиот паралментарен состав

Катерина Ѓуровски

ИО на СДСМ: На 30 јуни непосредни внатрепартиски избори за претседател на СДСМ

Предраг Петровиќ

Извршниот одбор на СДСМ треба да ги утврди роковите за внатрепартиски избори за ново раководство и за отчетниот конгрес

Предраг Петровиќ

Седница на Извршниот одбор на СДСМ за предвремените внатрепартиски избори за ново раководство

Предраг Петровиќ

Деспотовски: Заедно со еден посветен тим работиме на нов концепт за враќање на интегритетот на СДСМ

Горан Наумовски

Потврдено повлекувањето на Ковачевски, директни внатрепартиски избори во јуни